Staðsetning og opnunartími

NPA miðstöðin er til húsa í Hátúni 12, vestur inngangur, 1. hæð

Opnunartími skrifstofu er á virkum dögum frá kl. 10:00 til kl. 15:00


Sýna stærra kort

Viltu bætt aðgengi í hverfinu þínu?

Viltu bætt aðgengi í hverfinu þínu?

Hverfið mitt er verkefni á vegum Reykjavíkurborgar þar sem hugmyndum íbúa hverfa borgarinnar er safnað saman á samráðsvef og í framhaldinu fer fram kosning um hvaða verkefni borgin skuli framkvæma.

Verkefnið er góð leið fyrir íbúa borgarinnar til að hafa áhrif á sín hverfi. Jafnframt er það tilvalinn vettvangur fyrir fatlað fólk til þess að koma hugmyndum sínum á framfæri opinberlega og hafa áhrif á sitt hverfi t.d. er varðar aðgengismál.

Hugmyndasöfnunin fór í gang þann 27. febrúar og stendur til 20. mars.

Hér má sjá helstu upplýsingar um verkefnið Hverfið mitt þar sem hægt er að senda inn hugmyndir, deila hugmyndum, líka við og kjósa um hugmyndir og rökræða þær.

Lesa >>


Er NPA fyrir mig? Opinn jafningjafræðslu- og kynningarfundur

Er NPA fyrir mig? Opinn jafningjafræðslu- og kynningarfundur

NPA miðstöðin stendur fyrir opnum jafningjafræðslu- og kynningarfundi um NPA, mánudaginn 12. mars kl. 17.00. Farið verður yfir helstu atriði sem snúa að notendastýrðri persónulegri aðstoð og boðið upp á fyrirspurnir og umræður.

Umfjöllunarefni
● Reynslusögur notenda.
● Er NPA fyrir mig?
● Hvernig sækir maður um NPA?

Lesa >>


Jafningjafræðsla: 5% hvað?

Jafningjafræðsla: 5% hvað?

Um hvað snúast þessi 5% eiginlega? Hvernig ber að nýta þau?

Jafningafræðslufundur NPA miðstöðvarinnar verður haldinn næsta fimmtudag, 1. mars, kl. 20:00 á skrifstofu NPA miðstöðvarinnar, Hátúni 12 (vestur inngangur).

Kolbrún Dögg Kristjánsdóttir mun kynna málið og stýra umræðum.

Fjöldi NPA vinnustunda ræðst af stærð NPA samnings hjá tilteknum NPA notanda. NPA vinnustundin er taxti, fjárhæð sem skipt er í þrennt, launakostnað, umsýslukostnað og kostnað við starfsmannahald.

Lesa >>


Nýárskveðja - stutt yfirlit yfir árið 2017

Nýárskveðja - stutt yfirlit yfir árið 2017

Á árinu 2017 hefur NPA miðstöðin sem endra nær séð um umsýslu NPA samninga félagsmanna sem jafnframt eru eigendur NPA miðstöðvarinnar. NPA miðstöðin ber meðal annars ábyrgð á launagreiðslum, tryggingum starfsfólks, gerð ráðningarsamninga og samskiptum við ríki og sveitarfélög.

NPA miðstöðin hefur haldið áfram að byggja upp fræðslustarfið sem miðstöðin býður upp á. Miðstöðin hefur staðið fyrir fjölda jafningjafræðslufunda á árinu þar sem félagsfólki miðstöðvarinnar hefur gefist kostur á að spjalla og ráðfæra sig við hvert annað. Á jafningjafræðslufundum hefur einnig verið boðið upp á fyrirlestra, t.d. um hugmyndafræðina um sjálfstætt líf, skipulag og utanumhald NPA samninga, ferðalög og NPA og fleira. Miðstöðin hefur jafnframt haldið námskeið fyrir aðstoðarfólk, annars vegar í skyndihjálp þar sem fatlaður einstaklingur er sá sem veita þyrfti skyndihjálp og einnig námskeið í hugmyndafræðinni um sjálfstætt líf.

 

Lesa >>


Staða lögfestingar NPA

Staða lögfestingar NPA

Nú liggur fyrir að lögfesting á notendastýrðri persónulegri aðstoð (NPA) mun ekki ná fram að ganga fyrir áramót, eins og yfirlýsingar forystumanna stjórnmálaflokka höfðu kveðið á um bæði fyrir og eftir kosningar.

Nýr félags- og jafnréttismálaráðherra hefur þó lagt fram frumvarp á Alþingi sem kveður á um heimild til að „framlengja samninga sem gerðir hafa verið árið 2017 til ársloka 2018, eða fram að gildistöku laga þar sem kveðið verður áum réttinn til notendastýrðrar persónulegrar aðstoðar.“ Þá segir jafnframt að heimilt sé „að gera nýja samninga í samræmi við heimildir í fjárlögum fyrir árið 2018.“ 

Lesa >>

e-max.it: your social media marketing partner

Prenta | Netfang