NPA aðstoðarkona óskast

Ég heiti Halldóra og 29 ára vesturbæingur. Ég óska eftir að ráða aðstoðarkonu, 22 ára eða eldri, í hlutastarf. Starfið gengur út á að aðstoða mig við daglegar athafnir á heimili mínu, en ég bý ein með litlum hundi sem fer lítið úr hárum. Helstu áhugamál mín eru prjónaskapur og önnur handavinna, ásamt kórsöng. Gott er þegar aðstoðarkonur kunna að prjóna eða hafa áhuga á að læra það.

Um er að ræða vaktavinnu en helstu vaktir sem vantar á eru á morgnana og 3 klst í senn. Einnig vantar á einstaka kvöldvaktir sem eru 3-5klst og ein helgi í mánuði. Best væri ef hægt væri að skipta þessum vöktum á tvo eða fleiri nýja starfsmenn.

Starfið hentar einstaklega vel með skóla eða annari vinnu.

Starfið byggir á hugmyndafræðinni um sjálfstætt líf fatlaðra einstaklinga og eru laun samkvæmt sérkjarasamningum NPA miðstöðvarinnar við Eflingu og Starfsgreinasambandið.

Hæfniskröfur:

  • Þolinmæði
  • Frumkvæði
  • Góð samskiptahæfni
  • Að vera hvetjandi í starfi
  • Reynsla af starfi með fötluðu fólki er kostur en ekki skilyrði.
  • Íslenskukunnátta er skilyrði.

Umsóknir með ferilskrám og/eða hvers konar fyrirspurnir má senda á This e-mail address is being protected from spambots. You need JavaScript enabled to view it..

Prenta | Netfang

Persónuleg aðstoðarkona óskast

Ég er 24 ára háskólanemi og er með skerta hreyfigetu. Ég er að leita að aðstoðarkonum til að aðstoða mig við daglega hluti, t.d. aðstoð við búðarferðir, halda á skólatösku, komast á milli staða og fleira því um líkt. Um er að ræða vaktavinnu, aðallega á virkum dögum. Ég leita eftir stelpum á aldrinum 20-35 ára.
 
Mikilvægir kostir í starfinu eru jákvæðni, viðrðing, stundvísi og sveigjanleiki.
 
Starfið byggist á hugmyndafræðinni um sjálfstætt líf. Hægt er að lesa sér til um notendastýrða persónulega aðstoð og um hvað hún snýst á npa.is. Laun eru skv. sérkjarasamningum NPA miðstöðvarinnar og Eflingar.
 
Ekki er gerð krafa um starfsreynslu. Skilyrði að viðkomandi hafi bílpróf og sé reyklaus. Allar fyrirspurnir og umsóknir, ásamt almennri ferilskrá, sendist á: This e-mail address is being protected from spambots. You need JavaScript enabled to view it.
 
Umsóknarfrestur er til 14. nóvember nk.
 
Öllum umsóknum og fyrirspurnum svarað. Viðkomandi þarf að geta hafið störf sem fyrst, en eigi síðar en 1. desember.

Prenta | Netfang

Aðstoðarfólk óskast í starf hjá listnema

Er að leita að persónulegu aðstoðarfólki til að vinna hjá mér og aðstoða mig hvar sem ég er og hvert sem ég fer. Ég er hreyfihömluð kona og þarfnast aðstoðar við flestar athafnir daglegs lífs. Hef verið virk í mannréttindabaráttu fatlaðs fólks og framið gjörninga og verk í anda fötlunarlistar.

Bý í Mosfellsbæ og vinn við ráðgjöf og fræðslu hjá NPA miðstöðinni og er með menntun í fötlunarfræði og þroskaþjálfafræði. Í ágúst mun ég hefja nám á Sviðshöfundabraut við Listaháskóla Íslands sem verður vinnustaður minn næstu árin.

Fullt starf og/eða hlutastarf í boði. Umsækjandi þarf að geta hafið störf um miðjan ágúst.

Um er að ræða vaktavinnu og eru laun samkvæmt sérkjarasamningi NPA miðstöðvarinnar og Eflingar stéttarfélags. Ég þarf aðstoðarfólk sem getur unnið á breytilegum vöktum, alla daga vikunnar og m.a. sólahringsvakt virka daga.

Hugsanlega hentar starfið samhliða öðrum verkefnum og ekki er verra ef fólk hefur áhuga á sviðslistum. Er að leita að aðstoðarfólki af báðum kynjum 21 árs og eldra. Reynsla af starfi með fötluðu fólki er ekki nauðsynleg.

Umsækjandi þarf að vera líkamlega hraust manneskja, reyklaus, með bílpróf og hreint sakavottorð. Eiga auðvelt með að taka leiðsögn og draga sig í hlé. Í starfi sem þessu er traust, virðing, jákvæðni og stundvísi mikilvægir kostir.

Hægt er að kynna sér hvað NPA er og hugmyndafræðina um sjálfstætt líf, á vef NPA miðstöðvarinnar www.npa.is.

Fyrirspurn um starfið, umsókn ásamt ferliskrá og upplýsingum um tvo meðmælendur sendist á netfangið: This e-mail address is being protected from spambots. You need JavaScript enabled to view it.
Umsóknarfrestur er til 13. Ágúst

Prenta | Netfang

Skemmtilegt starf

Ég er 42 ára mær og elska lífið og sambýlismann minn. Ég hef áhuga á margskona hlutum. Ég er í hjólastól og vantar starfsmann eins og þig. 

Unnið er samkvæmt hugmyndafræðinni um sjálfstætt líf og NPA, sjá upplýsingar.

Bæði hlutastarf og fullt starfshlutfall koma til greina. Íslenskukunnátta er skilyrði. Umsóknarfrestur er til 30. júní 2018.

Sendu mér póst á This e-mail address is being protected from spambots. You need JavaScript enabled to view it. og bókum hitting og höfum gaman saman.

Kveðja,
Stuðboltinn

 

Prenta | Netfang

Afleysingar og almennar umsóknir

NPA miðstöðin býður áhugasömum sem sækjast eftir aukavinnu, hlutastarfi eða fullu starfi á að leggja inn almenna umsókn um starf sem NPA aðstoðarmaður.

Yfirleitt þegar störf eru í boði þá eru þau sérstaklega auglýst af þeim sem er að leita að aðstoðarmanni.
Hér er hægt að leggja inn umsókn sem ekki er bundin við auglýst starf og þá geta verkstjórnendur skoðað og haft samband við umsækjendur eftir þörfum.

Lesa meira...