Upplýsingar um Covid-19

FRÉTTIR OG TILKYNNINGAR

Uppfært 11. ágúst kl 15:30

Eins og allir vita komst COVID-19 á flug á ný í júlí. Svo virðist sem yfirvöld séu að ná tökum á þeim faraldri sem nú hefur verið í gangi og að tilslakanir séu í kortunum á næstunni. Vonandi reynist það rétt en engu að síður hvetjum við NPA notendur og aðstoðarfólk til þess að renna aftur yfir helstu upplýsingar vegna COVID-19 hér fyrir neðan.

Hlífðargrímur
Þessi dægrin leggja yfirvöld til að fólk noti hlífðargrímur í þeim aðstæðum þar sem ekki er hægt að virða tveggja metra regluna, t.d. ef margir eru í strætó. Í ljósi þess hvetur NPA miðstöðin notendur og aðstoðarfólk til að nota grímur þegar ekki er hægt að viðhalda tveggja metra reglunni. Góð regla gæti verið að þvo hendur og spritta og setja svo á sig grímu áður en tveggja metra reglan verður „brotin“, þvo síðan hendur í kjölfarið og taka svo af sér grímu og sleppa henni þess á milli. Aðstæður notanda geta þó verið harla ólíkar og af þeim sökum verður hver og einn notandi að meta í samvinnu við sitt aðstoðarfólk hvernig öruggast sé að haga málum þannig að allir aðilar séu sáttir við fyrirkomulagið. Eins og áður eru handþvottur, spritt og tveggja metra reglan það mikilvægasta í persónulegum vörnum hvers og eins. NPA miðstöðin hvetur eigendur og aðstoðarfólk að fylgja í öllu tilmælum landlæknis bæði innan og utan vinnutíma. Núgildandi auglýsing um samkomubann gildir til 13. ágúst þannig að fljótlega ættu línur að skýrast varðandi framhaldið.

Ýmsar leiðbeiningar um notkun hlífðargríma og um handhreinsun

Hér má sjá leiðbeiningar embættis landlæknis um notkun á hlífðargrímum, útgefnar 31. júlí síðastliðinn.
Leiðbeiningar um notkun á hlífðargrímum. 
Instructions on the Use of Face Masks in English.

Embætti landlæknis: Hvernig hlífðargrímur eru notaðar til að verjast útbreiðslu á COVID-19?

Vísindavefurinn: Hafa rannsóknir sýnt að andlitsgrímur komi í veg fyrir að fólk smitist af COVID-19?

Vísir: Grímur sagðar virka vel en buff fjölga dropum í loftinu.

Embætti landlæknis: Myndband um handhreinsun.

Fimm prósentin
Fimm prósentin má að sjálfsögðu nota fyrir hlífðargrímur, hanska og annan hlífðarfatnað.

Leiðbeiningar til fatlaðs fólks með NPA, aðra notendasamninga og aðstoðarfólk þeirra
Embætti landlæknis gaf út 3. útgáfu af leiðbeiningum til fatlaðs fólks með NPA, aðra notendasamninga og aðstoðarfólk þeirra vegna COVID-19, þann 26. maí síðastliðinn. Sú útgáfa hefur ekki verið uppfærð en leiðbeiningarnar gilda áfram að undanskildum kafla 12 en í honum er 2 metra reglan ekki regla eins og núna heldur viðmið.

Sýkingar af völdum nýrrar kórónaveiru (COVID-19): Leiðbeiningar til fatlaðs fólks með NPA, aðra notendasamninga og aðstoðarfólk þeirra.

Illness caused by the novel coronavirus (COVID-19): Guidelines for people with disabilities who have personal assistance (NPA or other user agreements), and their personal assistants.

Leiðbeininga plaköt
Margt af félagsfólki NPA miðstöðvarinnar hefur nýtt sér að fá send til sín fjögur plaköt sem NPA miðstöðin lét prenta og plasta síðastliðinn vetur. Þau fjalla um handhreinsun (íslensku og ensku), hvernig draga skal úr sýkingahættu vegna Covid-19 og hvernig vernda skal börn gegn sýkingum. Það getur verið skynsamlegt að hafa myndræn plaköt með leiðbeiningum uppi á vegg til að minna sig og aðstoðarfólk sitt á það helsta sem hafa ber í huga. Félagsfólk NPA miðstöðvarinnar sem óskar eftir að fá tiltekin plaköt, hafið endilega samband við This e-mail address is being protected from spambots. You need JavaScript enabled to view it., sömuleiðis ef ykkur vantar frekari ráðgjöf.

-------

HELSTU UPPLÝSINGAR VEGNA COVID-19

Uppfært 19. maí kl. 10:51

Leiðbeiningar NPA miðstöðvarinnar vegna COVID-19

NPA miðstöðin útbjó fyrir nokkru leiðbeiningar fyrir NPA notendur vegna COVID-19. Leiðbeiningarnar taka mið af útgefnu efni frá sóttvarnarlækni og almannavörnum ásamt þeim upplýsingum sem liggja fyrir frá sveitarfélögum. NPA miðstöðin mun uppfæra leiðbeiningarnar sínar eftir því sem frekari upplýsingar berast og ástæða þykir til.


Leiðbeiningar fyrir einstaklinga með áhættuþætti fyrir alvarlegri COVID-19 sýkingu frá embætti landlæknis

Þessar leiðbeiningar eru fyrir einstaklinga sem gætu verið í aukinni áhættu á alvarlegri sýkingu ef þeir smitast af SARS-CoV-2 veiru sem veldur COVID-19 sjúkdómi.


Leiðbeiningar: Sýkingar af völdum nýrrar kórónaveiru (COVID-19)

Leiðbeiningar til fatlaðs fólks með NPA, aðra notendasamninga og aðstoðarfólks þeirra

Guidelines: Illness caused by the novel coronavirus (COVID-19)

Guidelines for people with disabilities who have NPA (user-controlled personal assistance) or other user agreements, and those who assist them


Upplýsingar um Covid-19 (Kóróna-veiran) á auðlesnu máli

Landssamtökin Þroskahjálp hafa í samvinnu við landlækni og heilbrigðisráðuneytið búið til upplýsingabækling um kóróna-veiruna á auðlesnu máli.


Allar upplýsingar um Covid-19 á einum stað - www.covid.is

Helsta upplýsingasíðan um kóróna-veiruna (covid-19) og allt sem gott er að hafa í huga. Einnig má setja sig í samband við heilsugæslurnar og heilsuveru.is.
 
-------
 
Gamlar fréttir og upplýsingar má finna hér