Nýtt starfsfólk á skrifstofu NPA miðstöðvarinnar

Á seinni hlut árs 2019 tóku tveir nýir starfsmenn til starfa á skrifstofu NPA miðstöðvarinnar.

Elín Ýr Arnar Hafdísardóttir hóf störf hjá miðstöðinni seinni hluta sumars og starfar sem sérstakur ráðgjafi. Hún er menntaður þroskaþjálfi með diplómanám í fötlunarfræðum og hefur áður starfað sem þroskaþjálfi hjá Reykjavíkurborg. Elín mun koma til með að vera sérstaklega þeim innan handar sem nýta sér aðstoð við verkstjórn í NPA.

Regína Þorvaldsdóttir var ráðin á skrifstofu NPA miðstöðvarinnar í vetur og mun gegna starfi bókara- og launafulltrúa hjá miðstöðinni. Hún mun koma til með að taka við af Sigurdísi Jóhannsdóttur, sem mun róa á önnur mið á næstunni. Regína hefur víðtæka og langa reynslu af bókhaldsstörfum og starfaði síðast hjá Gigtarfélagi Íslands við bókhald.

NPA miðstöðin býður þau velkomin til starfa!

Unnt er að hafa samband við Elínu með tölvupósti í gegnum This e-mail address is being protected from spambots. You need JavaScript enabled to view it. og Regínu í gegnum This e-mail address is being protected from spambots. You need JavaScript enabled to view it. eða This e-mail address is being protected from spambots. You need JavaScript enabled to view it., en svo er auðvitað einnig hægt að hringja í síma 567 8270.