Upplýsingar um Covid-19 (gamlar upplýsingar)

Hér koma upplýsingar sem varða NPA notendur, aðstoðarfólk þeirra og aðstandendur. Upplýsingarnar verða uppfærðar eftir því sem þær berast til NPA miðstöðvarinnar. Efnisflokkarnir eru fimm:

  • Viðbragðsáætlun fyrir NPA notendur vegna COVID-19
  • Samantekt vegna COVID-19
  • Til aðstoðarfólks NPA notenda
  • Upplýsingar um COVID-19, handþvott, sóttvarnir o.fl.
  • Fréttir og tilkynningar

Síðast uppfært 4. maí 2020, í liðnum Fréttir og tilkynningar.

VIÐBRAGÐSÁÆTLUN FYRIR NPA NOTENDUR VEGNA COVID-19

Uppfært 7. apríl kl. 23:15

Viðbragðsáætlun NPA miðstöðvarinnar vegna COVID-19

NPA miðstöðin útbjó fyrir nokkru viðbragðsáætlun fyrir NPA notendur vegna COVID-19. Áætlunin tekur mið af útgefnu efni frá sóttvarnarlækni og almannavörnum ásamt þeim upplýsingum sem liggja fyrir frá sveitarfélögum. NPA miðstöðin mun uppfæra viðbragsðáætlun sína eftir því sem frekari upplýsingar berast og ástæða þykir til.

Viðbragðsáætlun félagsmálaráðuneytisins o.fl.

Félagsmálaráðuneytið og Samband íslenskra sveitarfélaga, í samvinnu við Landlækni birtu fyrir stuttu leiðbeiningar fyrir NPA notendur og aðstoðarfólk. Til stendur að birta samantekt á auðskildu máli á næstu dögum. Hér má sjá tilkynningu um áætlunina á síðu stjórnarráðs Íslands og hérna er viðbragðsáætlunin sjálf.

NPA miðstöðin vill benda á að áætlun félagsmálaráðuneytisins var ekki unnin í samráði við NPA miðstöðina þrátt fyrir óskir um slíkt.

__________________________________

 

SAMANTEKT VEGNA COVID-19

Uppfært 24.mars kl. 11:45

  • Gætið mjög vel að hreinlæti. Þvoið hendur vandlega og reglulega með sápu og sprittið inn á milli þegar ekki gefst kostur á handþvotti.
  • Gætið þess að snerta ekki munn, nef eða augu þar sem smit berst auðveldlega um öndunarfæri og augu.
  • Gætið þess að aðstoðarfólk þvoi á sér hendurnar vandlega. Hengið upp veggspjöld með sjónrænum leiðbeiningum um handþvott á heimilinu og brýnið fyrir aðstoðarfólki að þvo hendur sínar vel þegar það mætir á vakt, fyrir  og eftir matartíma og salernisferðir.
  • Forðist að vera úti á meðal fólk, á fjölförnum stöðum, t.d. samkomur og  samkomustaði, almenningssamgöngum og fjölfarnar verslanir. Nettó og Heimkaup bjóða upp á heimsendingu á matvælum. Forðist einnig að fara í verslanir eða apótek á háannatímum (í hádegi og seinnipart). Forðist snertifleti eftir bestu getu eða notið hlífðarbúnað, t.d. hanska.
  • Hvetjið aðstoðarfólk til þess að hlýta tilmælum Landlæknis um að forðast samkomur og fjölfarna staði. Hvetjið aðstoðarfólk til þess að tilkynna ykkur ef það finnur fyrir einkennum eða hefur verið í návígi við fólk sem er í einangrun.
  • Þau ykkar sem eruð í skilgreindum áhættuhópum skulið sérstaklega gæta þess að vera sem mest heima. Til skilgreindra áhættuhópa teljast þeir sem eru eldri borgarar (yfir 67 ára), þau sem eru með undirliggjandi öndunarfærasjúkdóma, hjartasjúkdóma, sykursýki, nýrnabilun og krabbamein.
  • Aðstoðarfólk sem er í sóttkví á rétt á launagreiðslum. Þið skráið vaktir á aðstoðarfólkið eins og venjulega, en auðkennið þær sérstaklega með „sóttkví“ eða sem veikindi. Mikilvægt er að láta vita að um sóttkví er að ræða svo NPA miðstöðin geti sótt viðbótarframlag vegna launakostnaðarins. Aðstoðarfólk skilar inn læknisvottorði.
  • Ef þið finnið fyrir einkennum eða verð greind með veiruna skulið þið strax hafa samband við NPA miðstöðina. Við getum ráðlagt þér hvernig þú skalt bera þig að. Einnig skaltu hringja í númerið 1700  eða í netspjalli á heilsuvera.is til að fá helstu upplýsingar um viðbrögð.
  • Hjálparsími 1717  Rauða krossins er með sálræna ráðgjöf og aðstoð fyrir þau sem finna fyrir vanlíðan og/eða kvíða vegna Covid19 og auk þess með netspjall á 1717.is
_________________________________________

 

TIL AÐSTOÐARFÓLKS NPA NOTENDA

Uppfært 24.mars kl. 12:00

Handþvottur, hreinlæti og takmörkuð umgengni við aðra mikilvæg

Á tímum COVID-19 er gríðarlega mikilvægt að aðstoðarfólk NPA notenda gæti ýtrasta hreinlætis og fylgi fyrirmælum almannavarna, t.d. um samkomubann, að takmarka umgengni við annað fólk og að halda tveggja metra fjarlægð við aðra. Stór hluti NPA notenda falla undir skilgreiningu sóttvarnarlæknis um einstaklinga sem eru í aukinni hættu á alvarlegum veikindum ef þeir smitast af COVID-19 veirunni.
  • Þvoið hendur vandlega, lágmark tuttugu sekúndur, með sápu. Þvoið t.d. hendur vel þegar mætt er á vakt, fyrir og eftir matartíma og salernisferðir.
  • Látið NPA notanda samstundis vita ef þið finnið fyrir einkennum eða hafið verið í návígi við fólk sem er í einangrun.
  • Hlýtið tilmælum Landlæknis um að forðast samkomur og fjölfarna staði. Vinsamlegasts forðist að vera úti á meðal fólks, á fjölförnum stöðum, t.d. samkomum og  samkomustöðum, almenningssamgöngum og fjölförnum verslunum. Þegar slíkt er nauðsynlegt, forðist snertifleti eftir bestu getu eða notið hlífðarbúnað, t.d. hanska.
_________________________________________

 

UPPLÝSINGAR UM COVID-19, HANDÞVOTT, SÓTTVARNIR O.FL. 

Uppfært 8. apríl kl. 10:45

Skynsamleg notkun á grímum og hönskum

Landspítali hefur í samstarfi við Embætti landlæknis hannað veggspjald um skynsamlega notkun á einnota hönskum og grímum á tímum kórónuveirunnar COVID-19. Hægt er að sækja veggspjaldið á vef Landspítala sem JPG-mynd og PDF-skjal en PDF skjalið er þægilegt til útprentunar.

Ef miklu hreinlæti er ekki viðhaldið geta hanskar og grímur skapað falskt öryggi. Hreinlætið er ávallt nr. 1, 2 og 3! Eftirfarandi texti er á veggspjaldinu:
 
HVENÆR EIGUM VIÐ AÐ NOTA GRÍMUR OG HVERNIG ERU ÞÆR NOTAÐAR?
• Heilbrigðir ættu aðeins að nota grímur ef þeir sinna umönnunfólks sem er hugsanlega með COVID-19 sýkingu.
• Notaðu grímu ef þú ert með flensueinkenni, hóstar eða hnerrarog aðrir eru nærri.
• Grímur eru aðeins gagnlegar ef regluleg handhreinsun erstunduð líka, með sápu og vatni eða sprittun.
• Ef þú notar grímu skaltu gæta vel að því að setja á þig grímuna,taka hana af þér og henda með réttum hætti.
 
HVENÆR EIGUM VIÐ AÐ NOTA HANSKA OG HVERNIG ERU ÞEIR NOTAÐIR?
• Þvoum hendur og þurrkum vel með hreinum klút áður en matvælieru snert og/eða matar er neytt, alltaf eftir salernisferðir og þegarhendur mengast.
• Ef við komumst ekki í handlaug til að þvo hendur er ráðlagt að notahandspritt í stað handþvottar.
• Líta ætti á alla hanska sem óhreina. Hætt er við að handhreinsunverði útundan og gleymist að skipta um hanska milli verka, ef þeir eru notaðir að staðaldri.
• Hanska á að nota við óhrein verk, s.s. þrif. Einnig ef matvæli semaðrir neyta, án skolunar eða eldunar, eru handleikin með berumhöndum. Ekki fara á milli verka án þess að skipta um hanska.Hendur á að hreinsa fyrir og eftir hanskanotkun.
• Ef hanskar (t.d. plasthanskar) eru notaðir þar sem afgreidd erumatvæli tilbúin til neyslu t.d. í bakaríum og á veitingastöðum, þarfað fara í hreina hanska fyrir hverja afgreiðslu og henda þeim gömlu.
• Ef annað afgreiðslufólk vill nota hanska þá mætti nota plasthanska;vínýlhanska eða nítrínhanska. Latex hanskar eru óæskilegir vegnahættu á ofnæmi hjá viðskiptavinum.
 

Uppfært 30.mars kl. 22.05

Leiðir til að draga úr sýkingarhættu

Á upplýsingasíðu Landspítala um COVID-19 eru komin veggspjöld með ábendingum um leiðir fyrir aldraða og og aðra viðkæma til að draga úr sýkingarhættu vegna Covid-19.

Veggspjöldin eru á íslensku og ensku, gerð á Landspítala og byggð á efni frá Alþjóðaheilbrigðismálastofnuninni WHO. Þau eru í pdf-formi og í góðri upplausn til að prenta út. Það er einnig hægt að sækja þau sem jpg-myndir.

Á sömu upplýsingasíðu eru einnig veggspjöld á íslensku, ensku og pólsku um leiðir til að draga úr sýkingarhættu almennt.

_________________________________________
 

Uppfært 26.mars kl. 16:22

Myndband um handhreinsun

Hér má finna myndband, af heimasíðu landlæknis, um smitfleti og smitleiðir og handhreinsun.
_________________________________________
 

Uppfært 24.mars kl. 11.40

Spurningar og svör varðandi kórónaveiruna/COVID-19

Hér má finna ýtarlegan "Spurningar og svör" dálk á síðu landlæknisembættisins. Hægt er að hlusta.
_________________________________________
 

Uppfært 23.mars kl. 14:16

Mikilvægi handþvottar

Hér má sjá myndband um handþvott og mikilvægi hans, í að lágmarki 20 sekúndur.
 
_________________________________________
 
Uppfært 23.mars kl. 14:15

Allar upplýsingar um Covid-19 á einum stað - www.covid.is

Hér er helsta upplýsingasíðan um kóróna-veiruna (covid-19) og allt sem gott er að hafa í huga. Einnig má setja sig í samband við heilsugæslurnar og heilsuveru.is.
Vegna álags er fólk vinsamlega beðið um að leita sér upplýsinga www.covid.is eða www.heilsugaeslan.is ef ekki er um alvarleg veikindi að ræða, áður en hringt er eða tekið upp netspjall.

_________________________________________

Uppfært 17.mars 2020 kl.13:22

Upplýsingar um Covid-19 (Kóróna-veiran) á auðlesnu máli

Landssamtökin Þroskahjálp hafa í samvinnu við landlækni og heilbrigðisráðuneytið búið til upplýsingabækling um kóróna-veiruna á auðlesnu máli.

Bæklinginn má lesa hér.

 

_________________________________________

FRÉTTIR OG TILKYNNINGAR

Uppfært 4. maí kl. 11:20

Það helsta sem felst í tilslökunum á samkomubanni 4. maí 2020

Samkomubanni vegna kórónuveirufaraldursins hefur verið aflétt að hluta í dag, 4. maí. Fjöldamörk samkomubanns hækka úr 20 í 50 manns. Skólahald í leik- og grunnskólum hefst með hefðbundnum hætti og ýmis önnur þjónusta býðst landsmönnum á ný. Frekari upplýsingar má finna í samantekt Vísis um málið.


 Uppfært 1. maí kl. 12:40

Uppfærðar leiðbeiningar vegna tilslakana á samkomubanni 4. maí 2020

Sveitarfélögin vinna leiðbeiningar fyrir velferðarþjónustu sveitarfélaga vegna tilslakana frá samkomubanni og sóttvarnarráðstöfunum vegna COVID-19 sem taka gildi 4. maí 2020. NPA miðstöðin mun birta leiðbeiningarnar um leið og þær berast. Hér má sjá minnisblað landlæknis um tilhögun afléttingar samkomubanns sem hefst á mánudaginn.

Uppfært 4. maí kl. 11:20

_________________________________________

 

Það helsta sem felst í tilslökunum á samkomubanni 4. maí 2020

Samkomubanni vegna kórónuveirufaraldursins hefur verið aflétt að hluta í dag, 4. maí. Fjöldamörk samkomubanns hækka úr 20 í 50 manns. Skólahald í leik- og grunnskólum hefst með hefðbundnum hætti og ýmis önnur þjónusta býðst landsmönnum á ný. Frekari upplýsingar má finna í samantekt Vísis um málið.

_________________________________________

 

Uppfært 1. maí kl. 12:40

Uppfærðar leiðbeiningar vegna tilslakana á samkomubanni 4. maí 2020

Sveitarfélögin vinna leiðbeiningar fyrir velferðarþjónustu sveitarfélaga vegna tilslakana frá samkomubanni og sóttvarnarráðstöfunum vegna COVID-19 sem taka gildi 4. maí 2020. NPA miðstöðin mun birta leiðbeiningarnar um leið og þær berast. Hér má sjá minnisblað landlæknis um tilhögun afléttingar samkomubanns sem hefst á mánudaginn.

_________________________________________

 

Uppfært 1. apríl kl. 16:05

Hvað má og hvað má ekki? Í sóttkví? Í einangrun?

Má ég fara í búð þegar ég er í sóttkví. En göngutúr ef ég er komin í einangrun?

Hér er upplýsingaspjald með skýrum myndrænum leiðbeiningum um hvað má og má ekki gera meðan COVID-19 faraldurinn gengur yfir. T.d. fyrir þá sem:

  • Eru í sóttkví.
  • Eru í einangrun.
  • Tilheyra viðkvæmum hópi eða eru 60+ ára.
  • Eru frískir.

Mikilvægt er að allir þekki reglurnar og fylgi þeim til fækka smitum.

Spjöldin eru á íslensku og ensku. Þau eru pdf-skjöl sem henta vel til útprentunar.

_________________________________________

 

Uppfært 30.mars kl. 21:21

Hvað er sóttkví?

Hér er útskýrt á auðskildu máli hvað sótthví er, hver munurinn er á sóttkví og einangrun o.fl.
 
_________________________________________
 

Uppfært 26.mars kl. 16:58

Nokkur myndræn plaköt um handþvott og leiðir til að draga úr smithættu Covid-19

Í ljósi aðstæðna í dag getur verið skynsamlegt að hafa myndræn plaköt með leiðbeiningum uppi á vegg til að minna sig og aðstoðarfólk sitt á hvað hafa bera í huga vegna Covid-19, t.d. um mikilvægi handhreinsunar og leiðir til að fækka smitleiðum. Margt af félagsfólki NPA miðstöðvarinnar hefur nýtt sér að fá send til sín fjögur plaköt sem NPA miðstöðin lét prenta og plasta. Þau fjalla um handhreinsun (íslensku og ensku), hvernig draga skal úr sýkingahættu vegna Covid-19 og hvernig vernda skal börn gegn sýkingum. Félagsfólk NPA miðstöðvarinnar sem óskar eftir að fá tiltekin plaköt, hafið samband við This e-mail address is being protected from spambots. You need JavaScript enabled to view it..
 
_________________________________________
 

Uppfært 24.mars kl. 12:23

Lög um tímabundnar greiðslur vegna launa ósýktra einstaklinga í sóttkví

Alþingi samþykkti þann 20. mars síðastliðinn lög um tímabundnar greiðslur vegna launa einstaklinga sem sæta sóttkví samkvæmt fyrirmælum heilbrigðisyfirvalda án þess að vera sýktir á tímabilinu frá 1. febrúar 2020 til og með 30. apríl 2020.
Lögin taka til greiðslna
  • til atvinnurekenda sem greitt hafa launamönnum sem sæta sóttkví laun
  • til launamanna sem sæta sóttkví á sama tímabili en fá ekki greidd laun frá atvinnurekanda
  • til sjálfstætt starfandi einstaklinga sem sæta sóttkví á sama tímabili.

_________________________________________

Uppfært 20.mars kl. 00:39

Takmarkað aðgengi að skrifstofu ÖBÍ

Í kjölfarið á samkomubanni yfirvalda vegna Covid-19 hefur ÖBÍ ákveðið að takmarka aðgengi að skrifstofu sinni. Símsvörun verður með óbreyttum hætti og er fólk hvatt til að hringja frekar en koma. Áfram verður hægt að bóka tíma í ráðgjöf, en þá í gegnum síma. Sími 530 6700, tölvupóstur: This e-mail address is being protected from spambots. You need JavaScript enabled to view it.

_________________________________________

Uppfært 20.mars kl. 00:33

NPA aðstoðarfólk á lista yfir starfshópa í framlínuþjónustu

NPA aðstoðarfólk er komið á lista yfir starfshópa í framlínuþjónustu sem hafa forgang um aukna skóla-og leikskólaþjónustu, frístundastarf fyrir börn í 1.og 2.bekk og dagforeldraþjónustu.

Almannavarnir hafa biðlað til stjórnenda leikskóla, grunnskóla, frístundaheimila og dagforeldra að taka jákvætt í það að þeir aðilar sem sinna samfélagslega mikilvægri þjónustu svo sem í heilbrigðisgeiranum og viðbragðsgeiranum fái forgang fyrir börn sín hjá dagforeldrum, í leikskólum, í 1. og 2. bekk grunnskóla og á frístundaheimilum fyrir sama aldurshóp. Foreldrar á forgangslista þurfa að sækja um forganginn á www.island.is

NPA miðstöðin hvetur NPA notendur til að upplýsa sitt aðstoðarfólk um þessi réttindi. Frekari upplýsingar um fyrirkomulag þessu tengt má finna hér.

Listi frá almannavörnum yfir þá aðila sem geta sótt um forgang má sjá hér. (NPA aðstoðarfólk er á listanum undir fyrirsögninni „Aðrar stéttir“).

NPA miðstöðin sótti á dögunum um að aðstoðarfólk NPA notenda kæmist á listann og fagnar því að erindið hafi fengið svo skjóta afgreiðslu.

_________________________________________

Uppfært 17.mars kl.13:23

Upplýsingar til verkstjórnenda vegna aðstoðarfólks og/eða notenda í sóttkví

Persónulegt aðstoðarfólk í sóttkví:

NPA miðstöðinni hefur borist fyrirspurnir frá verkstjórnendum varðandi fyrirkomulag á skráningum þess aðstoðarfólks sem er í sóttkví. NPA miðstöðin hefur ekki fengið frá sveitarfélögum né Velferðarráðuneyti hvernig veikindarétti og útgjöldum verður háttað fyrir NPA notendur vegna aðstoðarfólks sem fer í sóttkví. Við viljum beina því til félagsfólks NPA miðstöðvarinnar að halda vel utan um útgjöld og gögn sem kunna að verða vegna aðstoðarfólks í sóttkví. Ef persónuleg aðstoðarmanneskja fer í sóttkví, þá þarf verkstjórnandi og/eða aðstoðarverkstjórnandi að hafa eftirfarandi í huga:

  • Persónulegt aðstoðarfólk skili læknisvottorði til NPA-miðstöðvarinnar og þarf að koma fram á vottorðinu að um sóttkví sé að ræða.
  • Skrá sóttkví aðstoðarfólks í vinnuskýrslu sem veikindi og setja í athugasemd vinnuskýrslu að um sóttkví sé að ræða og senda tölvupóst á This e-mail address is being protected from spambots. You need JavaScript enabled to view it. ásamt vinnuskýrslu með þeim upplýsingum

NPA notandi í sóttkví:

Ef NPA notandi fer í sóttkví, þá fær persónulegt aðstoðarfólk enn greitt samkvæmt vaktaplani. Taka þarf fram þegar skilað er vinnuskýrslu þær vaktir sem aðstoðarfólk mætti ekki vegna notanda í sóttkví með sama hætti og vegna aðstoðarfólks í sóttkví, þ.e. í athugasemd í vinnuskýrslu og í tölvupósti til This e-mail address is being protected from spambots. You need JavaScript enabled to view it. þegar vinnuskýrslu er skilað. Æskilegt er að notandi útvegi einnig læknisvottorð og skili til NPA miðstöðvarinnar.

________________________________________

Uppfært 17.mars 2020 kl.13:20

Tryggingastofnun ríkisins hefur takmarkað opnunartíma sína fyrir viðskiptavini en aukið fjarþjónustu.

Hér má sjá tilkynningu Tryggingastofnunar um málið.