Opinn upplýsingafundur fyrir fatlað fólk með NPA, beingreiðslusamninga og aðstoðarfólk þeirra, vegna COVID-19

Upplýsingafundur NPA miðstöðvarinnar í samstarfi við Almannavarnir og Embætti landlæknis verður haldinn þriðjudaginn 27. október kl. 15:00. Yfirskrift fundarins er: Sóttvarnarráðstafanir vegna COVID-19 fyrir fatlað fólk með NPA eða beingreiðslusamninga og aðstoðarfólk þeirra.

Á fundinum gefst einstakt tækifæri til að hlusta á sérfræðinga um kórónaveirufaraldurinn og til að fá svör við þínum spurningum, t.d. spyrja út í notkun á hlífðarbúnaði, rétt viðbrögð við smiti eða sóttkví og hvernig best sé að standa að forvörnum og undirbúningi vegna mögulegra smita. María Rúnarsdóttir, fulltrúi velferðarmála í samhæfingarstöð almannavarna, mun m.a. fara með einföldum hætti yfir helstu atriðin úr útgefnum leiðbeiningum fyrir fatlað fólk vegna COVID-19.

Lesa >>

Myndbönd um sýkingarvarnir, handhreinsun, hlífðarbúnað, einangrun og COVID-19 sýnatöku

Uppfært 10. október 2020 kl. 14:49

Hér er safn myndbanda sem innihalda góð ráð og upplýsingar varðandi sóttvarnir o.fl. frá embætti landlæknis Íslands.

Myndband um sýkingavarnir fjallar um helstu leiðir í sýkingavörnum þar sem handhreinsun er hvað mikilvægust. Einnig er fjallað um hanska, hlífðargrímur, hlífðargleraugu, hreinlæti við hósta og hnerra, umhverfisþrif, frágang líns (t.d. sængurvera) og áhöld.

Lesa >>

Breytt fyrirkomulag á skrifstofu vegna C19

Næstu tvær vikurnar eða til mánudagsins 19. október mun starfsfólk NPA miðstöðvarinnar að mestu leyti vinna heiman frá sér en þá verður staðan metin á ný.

Skrifstofan verður lokuð þennan tíma en ráðgjafar eru að sjálfsögðu tilbúnir til aðstoðar, nú sem endranær. Hægt er að ná í þá í síma NPA miðstöðvarinnar, 567 8270 og netfang This e-mail address is being protected from spambots. You need JavaScript enabled to view it.. Fjarfundir eru að sjálfsögðu einnig í boði.

(Mynd: Reykjastræti)

Fleiri greinar...