Staðsetning og opnunartími

NPA miðstöðin er til húsa í Hátúni 12, vestur inngangur, 1. hæð

Opnunartími skrifstofu er á virkum dögum frá kl. 10:00 til kl. 15:00


Sýna stærra kort

Nýárskveðja NPA miðstöðvarinnar

Nýárskveðja NPA miðstöðvarinnar

Á nýju ári er tilefni til að líta yfir farinn veg og jafnframt horfa til framtíðar og þeirra verkefna sem framundan eru.

Mannréttindabarátta
NPA miðstöðin hefur árið 2019, sem endra nær, staðið vaktina í pólitískri mannréttindabaráttu fyrir réttinum til sjálfstæðs lífs. NPA miðstöðin hefur veitt sveitarfélögum aðhald og beitt sér í ýmsum málum sem tengjast innleiðingu NPA eftir að NPA var lögfest árið 2018. NPA miðstöðin hefur t.d. þrýst á um fjölgun samninga og aðstoðað fólk við að fá fleiri NPA tíma, aðstoðað við kærumál og ýmis önnur úrlausnarefni sem upp hafa komið síðan NPA var lögfest.

Lesa >>


Jólakveðjur frá NPA miðstöðinni

Jólakveðjur frá NPA miðstöðinni

Gleðilega hátíð!

Starfsfólk og stjórn NPA miðstöðvarinnar sendir vinum nær og fjær og fjölskyldum þeirra, hugheilar jólakveðjur með ósk um gleðiríkar og notalegar stundir yfir hátíðirnar.

Jólakveðjur
NPA miðstöðin

 

Lesa >>


Fatlað fólk í Evrópu beitt ofbeldi og brotið á mannréttindum þess

„Kynferðislegt, líkamlegt og andlegt ofbeldi, fólk sem er bundið, lokað inn í búrum og einangrunarklefum. Við myndum ekki samþykkja svona meðferð á dýrum en þetta er veruleiki margs fatlaðs fólks í Evrópu (og víðar) í dag. Það er gild ástæða fyrir því að við sem erum í forsvari fyrir fatlað fólk tökum baráttunni alvarlega og berjumst af hörku fyrir okkar réttindum. Við höfum heldur ekki húmor fyrir því að ófatlað fólk móðgist yfir okkar réttindabaráttu.

Það er með öllu ólíðandi að fjármagn frá Evrópusambandinu sem ætti að nýta í afstofnanavæðingu skuli notað til uppbyggingar á nýjum stofnunum eða til að endurgera gamlar stofnanir. Þetta er það sem málshöfðun Evrópusamtaka um sjálfstætt líf (ENIL) gegn Evrópusambandinu snýst um. Ég er stoltur af því að NPA miðstöðin, sem meðlimur ENIL, taki þátt í þeirri baráttu. Ég er stoltur af því að í myndbandinu megi sjá fulltrúa NPA miðstöðvarinnar bregða fyrir þar sem þau taka þátt í kröfugöngu fyrir frelsi fatlaðs fólks, í Brussel núna í haust.“

Rúnar Björn Herrera Þorkelsson, formaður NPA miðstöðvarinnar

 

 

Lesa >>


Þrjú baráttufélög fatlaðs fólks í Evrópu kæra Framkvæmdastjórn Evrópusambandsins

Þrjú baráttufélög fatlaðs fólks í Evrópu kæra Framkvæmdastjórn Evrópusambandsins

Þann 15. nóvember síðastliðinn lögðu þrjú baráttufélög fatlaðs fólks í Evrópu fram sameiginlega kæru gegn framkvæmdastjórn Evrópusambandsins. Er þetta í fyrsta skipti í sögunni sem slíkt er gert. Kæra félaganna snýr að því að Framkvæmdastjórnin hefur ekki stöðvað fjárveitingar til Búlgaríu, þar sem fyrirhugað er að nýta fjármagnið til uppbyggingar á stofnunum og stofnanaþjónustu fyrir fatlað fólk.

Lesa >>


NPA miðstöðin komin með starfsleyfi

NPA miðstöðin komin með starfsleyfi

NPA miðstöðin hefur nú aflað starfsleyfis frá Gæða- og eftirlitsstofnun félagsþjónustu og barnaverndar (GEF) til að starfa sem umsýsluaðili með NPA samningum.

Í lögum nr. 38/2018 um þjónustu við fatlað fólk með langavarandi stuðningsþarfir, þar sem meðal annars er kveðið á um réttinn til notendastýrðrar persónulegrar aðstoðar (NPA), er kveðið á um skyldu allra aðila sem hyggjast veita þjónustu á grundvelli laganna að afla starfsleyfis frá Félagsmálaráðuneytinu (GEF). Undir það falla meðal annars umsýsluaðilar með NPA samningum. Þá er einnig gerð krafa um að umsýsluaðilar sitji námskeið á vegum ráðuneytisins um NPA.

NPA miðstöðin hefur nú bæði aflað starfsleyfis til að starfa sem umsýsluaðili og lokið skyldunámskeiði ráðuneytisins fyrir umsýsluaðila og getur því nú tekið að sér umsýslu með NPA samningum á landinu öllu.

Lesa >>