NPA aðstoðarfólk óskast

Ég er 20 ára strákur með taugahrörnunarsjúkdóm. Ég er að leita að persónulegu aðstoðarfólki til að vinna hjá mér og aðstoða mig með hvað sem er, hvert sem ég fer. Ég er í hjólastól, og þarf því aðstoð með flesta hluti. Starfið byggist á hugmyndinni um sjálfstætt líf og NPA.

Um er að ræða vaktavinnu (sólarhringsvaktir) og eru laun samkvæmt sérkjarasamningi NPA miðstöðvarinnar og Eflingar stéttarfélags. Ég þarf aðstoðarfólk sem getur unnið á breytilegum vöktum, alla daga vikunnar. Ég er að leita að aðstoðarfólki af báðum kynjum 20 ára og eldra. Reynsla af starfi með fötluðu fólki er ekki nauðsynleg.

Umsækjandi þarf að vera líkamlega hraust manneskja, reyklaus, með bílpróf, og hreint sakavottorð. Hún þarf að eiga auðvelt með að taka leiðsögn og draga sig í hlé. Í starfi sem þessu er traust, virðing, jákvæðni, þolinmæði, og stundvísi mikilvægir kostir.

Umsóknarfrestur er til 6. apríl.

Fyrirspurn um starfið, umsókn ásamt ferliskrá sendist á netfangið: This e-mail address is being protected from spambots. You need JavaScript enabled to view it.