Páskarnir eru snemma þetta árið eða í lok mars. Því er mikilvægt að huga snemma að vöktum um hátíðarnar

  • Drög að vaktaplani þarf að vera tilbúið fjórum vikum fyrir gildistíma vaktaplans samkvæmt kjarasamningi
  • Aðstoðarfólk hefur viku til að koma með athugasemdir
  • Endanlegt vaktaplan þarf að vera tilbúið tveim vikum fyrir gildistíma vaktaplans samkvæmt kjarasamning

Þegar vaktir í kringum hátíðir eru skipulagðar er gott að hafa nokkur atriði í huga:

  • Gott er að leita til aðstoðarfólks eftir upplýsingum um þeirra séróskir varðandi frí en passa að láta það um leið vita að hugsanlega verði ekki hægt að koma til móts við óskir alls aðstoðarfólks
  • Aðstæður aðstoðarfólks geta verið mismunandi og gott er að taka tillit til þess. Sum geta t.d verið einstæðir foreldrar og eiga því erfitt með að vinna á hátíðisdögum, önnur vilja ólm vinna til að fá auka álagsgreiðslur sem fylgja hátíðisdögum. Mikilvægt er að allur hópurinn sé sáttur með vaktaplanið. Það er ekki sanngjarnt ef sami aðili fær vaktir allar vaktir á miklu álagi nema ef sátt er með það í þínu aðstoðarteymi.
  • Aðstoðarfólki bera að vinna á skipulögðum vöktum hvort sem um er að ræða venjulega daga eða hátíðisdaga. Það er í forgangi að þú hafir þá aðstoð sem þú þarf

Vaktaálag um páskana og aðra frídaga fram á sumar:

28. mars, skírdagur: 
75% álag kl. 00:00-08:00.
55% álag kl. 08:00-24:00.

29. mars, föstudagurinn langi:
120% álag.

31. mars, páskadagur:
120% álag.

1. apríl, annar í páskum:
75% álag kl. 00:00-08:00.
55% álag kl. 08:00-24:00.

25. apríl, sumardagurinn fyrsti:
75% álag kl. 00-08:00.
55% álag kl. 08:00-24:00.

Athugið að félagsfólk NPA miðstöðvarinna hefur aðgang að: 

  • Ítarefni um skipulag vakta yfir hátíðar
  • Eyðublaði þar sem hægt er að skrá inn sumarfrí aðstoðarfólks
  • Sérstökum ferðasamningum fyrir aðstoðarfólk áður en lagt er upp í ferðalög

 

Myndlýsing: Á myndinni er að finna grafík með álagsgreiðslum til aðstoðarfólks á hátíðisdögum. Álagið er táknað með þykkum línum sem eru í mismunandi grænum lit, það er í ljós grænum, grænum og dökk grænum. Inn í línunum eru hvítir stafir en fyrir utan þær eru stafirnir svartir. Myndin er á hvítum grunni og er fyrsta setningin skrifuð með hástöfum í grænum lit.

Mynd: Freepic Denamorado